12/11/2025
ურთიერთდახმარების ჯგუფები -
ქალები ერთმანეთის მხარდამხარ
ურთიერთდახმარების ჯგუფები -
ქალები ერთმანეთის მხარდამხარ
პროექტი ფინანსდება კანადის თანასწორობის ფონდის (Equality Fund) მხარდაჭერით
ქალთა ფონდი „სოხუმი“ დასავლეთ საქართველოში ქმნის ქალთა ურთიერთდახმარების ჯგუფების ქსელს, უსაფრთხო სივრცეებს, სადაც ქალები ერთმანეთს არა მხოლოდ უსმენენ, არამედ თანაუგრძნობენ, ამხნევებენ, აღადგენენ საკუთარ ძალებს და პირველ ნაბიჯებს დგამენ თავდაჯერებისა და უკეთესი ცხოვრებისაკენ.
ეს არ არის უბრალოდ შეხვედრები. ეს არის გზა დუმილიდან საკუთარ პრობლემებსა და გამოწვევებზე საუბრამდე, მორჩილებიდან გადაწყვეტილების მიღებამდე, საკუთარი თავის დაკარგვიდან დაბრუნებამდე.
ქალთა ფონდი „სოხუმი“ დასავლეთ საქართველოში ქმნის ქალთა ურთიერთდახმარების ჯგუფების ქსელს, უსაფრთხო სივრცეებს, სადაც ქალები ერთმანეთს არა მხოლოდ უსმენენ, არამედ თანაუგრძნობენ, ამხნევებენ, აღადგენენ საკუთარ ძალებს და პირველ ნაბიჯებს დგამენ თავდაჯერებისა და უკეთესი ცხოვრებისაკენ.
ეს არ არის უბრალოდ შეხვედრები. ეს არის გზა დუმილიდან საკუთარ პრობლემებსა და გამოწვევებზე საუბრამდე, მორჩილებიდან გადაწყვეტილების მიღებამდე, საკუთარი თავის დაკარგვიდან დაბრუნებამდე.
📍 პროექტის გეოგრაფია
ქსელი ფარავს 10 მუნიციპალიტეტს:
ქუთაისი | წყალტუბო | თერჯოლა | ვანი | სენაკი |
ხობი | ზუგდიდი | წალენჯიხა | ჩოხატაური | ქობულეთი
ძირითადი ფაქტები
- თითო ჯგუფში საშუალოდ ყოველთვიურად 100 ქალი მონაწილეობს.
- 2024-2025 წელებში გაიმართა 240 შეხვედრა.
- შეხვედრები მიმდინარეობს ფიზიკურად და ონლაინ. საჭიროების მიხედვით მონაწილე ქალებს მხარდასაჭერად გადაეცემათ: სმარტფონები - ციფრული ჩართულობისა და არსებული სერვისების ხელმისაწვდომობის გაზრდის მიზნით; ჰუმანიტარული დახმარება - პროდუქტებისა და ტანსაცმელების სახით, რაც უზრუნველყოფს გადაუდებელ საჭიროებებზე რეაგირებას; ფინანსური მხარდაჭერა - პერიოდულად ფინანსდება სამოქალაქო ინიციატივები, რაც მათ სამოქალაქო ჩართულობას განაპირობებს; ინვენტარიზაცია - გადაეცა 12 ქალს (მიქსერები, შილაკის ხელსაწყოები, დასუფთავების ნივთები, ეზოების ცელი, სამხატვრო ნივთები). ეს ხელს უწყობს მათ ეკონომიკურ გაძლიერებასა და თვითდასაქმებას.
ძირითადი თემები:
- ფსიქო-სოციალური მხარდაჭერა
ეს სივრცე ხშირად არის პირველი ადგილი, სადაც ქალი აღარ არის თავის ტკივილთან მარტო.
ფსიქო-სოციალური მხარდაჭერა აქ არ არის მხოლოდ „საუბარი“, ეს არის საკუთარი შინაგანი ბალანსის აღდგენის პროცესი.
„მინდა აღვნიშნო, რომ ჯგუფის წევრი ქალები თავიდან იყვნენ ჩაკეტილები და ამ შეხვედრებმა გახსნეს, კომუნიკაბელურები გახდნენ და გაძლიერდნენ, თავდაჯერებულობა შეიძინეს“,- გვითხრა შეხვედრების ფასილიტატორმა, ნინო ჭაბუკიანმა.
ეს გეგმაზომიერი გახსნილობა, ხშირად გარდატეხის წერტილად იქცევა:
- ქალი იწყებს საკუთარი შეგრძნებისა და ტკივილის სახელდებას;
- სხვისი გამოცდილების მოსმენით თანაზიარობის განცდა უჩნდება და არა სირცხვილს;
- საზოგადოებაში საკუთარი ადგილის პოვნას იწყებს საკუთარი ღირებულების აღდგენით/გააზრებით.
- ეკონომიკური გაძლიერება
„ბევრ ქალს თავდაპირველად ჰგონია, რომ „ეკონომიკური გაძლიერება“ რაღაც დიდ ბიზნესს გულისხმობს. სინამდვილეში, ეს შეიძლება ყველაზე მცირე ნაბიჯით დაიწყოს: მიქსერის გამოყენებით ტორტის მომზადება, სამხატვრო კომპლექტით საკუთარ სტილზე მუშაობა… აქ მთავარი არის ის, რომ ქალი ეკონომიკურ სარბიელზე პირველად საკუთარი სახელით გამოდის,“ - ნინო ჭაბუკიანი, ჯგუფის ფასილიტატორი.
- ციფრული განათლება
„როცა ქალი პირველად შედის ონლაინ საჯარო სერვისებზე და ამას დამოუკიდებლად აკეთებს, ეს ძალიან ძლიერი მომენტია. საკუთარ შესაძლებლობაში რწმუნდება, რომ მას შეუძლია თვითონ, შუამავლების გარეშე საკუთარი საჭიროების დაკმაყოფილება,“ - ნინო ჭაბუკიანი, ჯგუფის ფასილიტატორი.
- მცირე ბიზნესის იდეების დაფინანსება
„მე მინდა მქონდეს ჩემი საქმე“.
ეს ფრაზა უკვე საკუთარი ბიზნესისთვის დადებული პირველი ქვაა.
როცა ქალს გარემო აძლევს შესაძლებლობასა და დროს საკუთარ თავზე ფიქრისთვის, იდეები თავისით მოდის.
„ჩვენ მათ არ ვაძლევთ ბიზნესს. ჩვენ ვაძლევთ უსაფრთხო სივრცეს, სადაც ქალი იწყებს საკუთარი შესაძლებლობების სერიოზულად აღქმას. და აქ ხდება გარდატეხა: „მე შემიძლია → მე უკვე ვაკეთებ,“ - ნინო ჭაბუკიანი, ჯგუფის ფასილიტატორი.
ქალთა ხმები ურთიერთდახმარების ჯგუფებიდან:
„15 წლის ვიყავი, რომ გავთხოვდი. დედამთილმა მითხრა, ცისკენ თვალები არ აწიოო, სულ დახრილი გქონდეს და მიწას უყურეო. ასე გავატარე 15 წელი ყანაში. მოგვიანებით კი, ამ ურთიერთდახმერების ჯგუფის შეხვედრებზე აღმოვაჩნე, რომ მარტო არ ვარ. ბევრ ქალს აქვს ჩემნაირი გამოცდილება. ამან ძალა მომცა, თითქოს ენერგიით დამმუხტეს და საკუთარი შესაძლებლობების ვირწმუნე. ახლა დამოუკიდებლად ვმართავ საკუთარ ცხოვრებას“, - ჯგუფის წევრი, ხობის მუნიციპალიტეტი
„ძალიან საჭირო პროექტია. მე საჩუქრად გაყინული პროდუქტების შესანახად მაცივარი გადმომეცა ჩემი მცირე ბიზნესისათვის და ძალიან კმაყოფილი ვარ. ნამდვილად წამადგა ეს დახმარება და ვავითარებ ჩემს ბიზნესს,“ - წალენჯიხა, მცირე ბიზნესის ბენეფიციარი
„იმაზე მეტი შემძლებია, ვიდრე მეგონა. აქ გავბედე პირველად მეთქვა: მე მინდა ჩემი საქმე და შემიძლია“, - ვანი, მცირე ბიზნესის ბენეფიციარი
„სმარტფონის მიღების შემდეგ შევძელი სოციალური მომსახურების სააგენტოსთან დამოუკიდებლად კომუნიკაცია,“ - მონაწილე, წყალტუბო
“Sosfsokhumi.ge-ზე ხშირად შევდივარ ძალადობაგამოვლილი ქალების წარმატების ისტორიებში და ვკითხულობ. თითოეული ქალის ამბავი სტიმულით მავსებს. საკუთარ მდგომარეობას სხვანაირად ვუყურებ და ძალა მემატება შევცვალო ის უკეთესობისკენ“, - მონაწილე, თერჯოლა
შეხვედრები ქმნის სივრცეს, სადაც შეიძლება ლაპარაკი იმაზე, რაც წლების განმავლობაში „უმეტყველო“ იყო.
„თავდაჯერება თითქოს კუნთია, რაც უფრო მეტად ვიყენებ, მით უფრო ძლიერდება,“ - ჯგუფის წევრი, ქობულეთი
„ამ პროექტმა საკუთარი თავის რწმენა დამიბრუნა. მანამდე საკუთარი თავის მიმართ მტრულად ვიყავი განწყობილი, ფსიქოლოგის დამსახურებით საკუთარ თავში ვიპოვე გამოსავალი და არა დარდი. როგორც თევზისთვის წყალი, ასე იყო ჩემთვის ფსიქოლოგ მანანასთან მუშაობა. ჩემთვის უძვირფასესი ადამიანია,“ - მონაწილე, თერჯოლა
„პირველ რიგში, მადლობა ფონდ „სოხუმს“, ამ პროექტის დამფინანსებლებს, მე ძალიან კმაყოფილი ვარ, რაც ეს საკერავი მანქანა გადმომეცა, ჩემი მცირე ბიზნესი უკეთესად მიდის. ადრე საყოფაცხოვრებოში დადიოდნენ ქალები და ახლა ყველა ჩემთან მოდის. ახალი წლიდან ვგეგმავ გავხსნა ატელიე, რომელიც ზეწრებზე, თეთრეულზე, პირსახოცებზე იმუშავებს,“ - წალენჯიხა, მცირე ბიზნესის ბენეფიციარი
„ერთმანეთთან შეხიდება უფროა ეს, ვიდრე მხარდაჭერა“, - მითხრა, ურთიერთმხარდაჭერის ჯგუფის ერთ-ერთმა წევრმა. დიახ, ეს არის ქალთა აქტიური ჩართულობა, ეკონომიკური გაძლიერება და სოციალური ქსელის შექმნა, რაც მიგრაციის შემცირებასა და გენდერული უთანასწორობის დაძლევაში ეხმარება საზოგადოებას.
ეს ქალები არ ელოდებიან ცვლილებებს, ისინი თავად ქმნიან მას.
თუ გინდა, რომ ქალების ხმა გაძლიერდეს, გაავრცელე მათი ისტორიები.
ეს ქალები არ ელოდებიან ცვლილებებს, ისინი თავად ქმნიან მას.
თუ გინდა, რომ ქალების ხმა გაძლიერდეს, გაავრცელე მათი ისტორიები.
ისტორია, რომელიც ისმის ძალაა.